Real Madridi ka vendosur për të shkarkuar trajnerin Zinedine Zidane në fund të sezonit dhe është në bisedime për të zëvendësuar atë me Joachim Lowin.

Madridi aktualisht është në pozitën e katërt në La Liga dhe qëndron prapa Barcelonës me 16 pikë, transmeton portali arbresh.info. Zidane gjithashtu pësoi një disfatë me rezultat 3 me 0 në Santiago Bernabeu ndaj rivalit të tyre të përbetuar në ndeshjen e tyre të fundit para pushimeve dimërore në fund të dhjetorit.

Sipas mediave spanjolle, presidenti Florentino Perez tashmë ka vendosur për t’i dhënë fund kohës së Zidanes në Madrid me përfundimin e edicionit aktual dhe ka zhvilluar bisedimet për të zëvendësuar 45 vjeçarin.

Thuhet se hierarkia në Madrid janë optimist se trajneri gjerman do ta pranoj ofertën e tyre.

Problemi më i madh i Madridit në transferimin e Lowit është kontrata e 57-vjeçarit me Federatën e Futbollit të Gjermanisë që është e vlefshme deri në fund të Kampionatit Evropian 2020.

Por, Madridi shpreson se ata mund të arrijnë një marrëveshje me Federatën e Gjermanisë për të siguruar transferimin e tij në kryeqytetin spanjoll pas përfundimit të Kampionatit Botëror në Rusi këtë verë.

Trajneri i Tottenhamit, Mauricio Pochettino është gjithashtu në radarin e Madridit, megjithëse ai ende ka tri vite të mbetura në kontratën e tij me “Spursët”./arbresh.info/